Frístund

Frístund er í boði fyrir börn í 1. – 4. bekk. Henni er ætlað það hlutverk að vera öruggur samastaður fyrir börnin. Þar geta þau dvalið að loknum skóladegi við ýmis verkefni, s.s. leiki, listir og útiveru. Reynt er að efla vináttu meðal barnanna og þau hvött til að koma með hugmyndir að því starfi sem fram fer í Frístund.

Sækja þarf um dvöl í Frístund hjá skólastjóra, en það er gert að hausti. Hægt er að panta tíma í Frístund eftir þörfum hvers og eins. Frístund fylgir skóladagatali, þá daga sem er frí hjá nemendum í skólanum er líka frí í Frístund.

Í Frístund er lögð áhersla á að nemendum líði vel og að þeir hafi verkefni við hæfi. Sem dæmi um verkefni má nefna lestur, spil, leiki í sal og frjálsan leik. Boðið er upp á síðdegishressingu alla daga.

Umsjónarmaður Frístundar skólaárið 2025-2026 er Emilia Bela.

Verðskrá Frístundar árið 2026 má finna inná heimasíðu Grýtuabakkahrepps.

Viðmiðunarreglur fyrir Frístund

• Frístund er í boði fyrir börn í 1.-4. bekk. Hún er hluti af skólastarfinu og fylgir heildarstefnu skólans.
• Frístundin er í húsnæði grunnskólans.
• Starfstími Frístundar miðast við skólaárið eins og það er hverju sinni og fylgir kennsludögum eins og þeir koma fram á skóladagatali. Þegar um skerta skóladaga er að ræða (t.d. útivistardaga) er Frístund opin lengur og fá foreldrar upplýsingar um opnunartíma í tölvupósti.
• Þá daga, sem kennsla fellur niður s.s. vegna starfsdaga, veðurs eða ófærðar, fellur Frístund einnig niður nema annað sé tekið fram.
• Frístund er opin frá 14:00-16:00 mánudaga til fimmtudaga. Frístund er ekki opin á föstudögum.
• Skrá þarf nemendur í Frístund fyrir upphaf skólaárs og gildir staðfest skráning allt skólaárið. Ef óskað er breytinga á skráningu eða ef barn hættir í skólavistun þarf að hafa samband við skólastjóra. Taka breytingar þá gildi frá og með næstu mánaðamótum.
• Frístund og starfsmaður hennar heyra undir forræði skólastjóra.
• Boðið er upp á síðdegishressingu í Frístund.
• Foreldrar/forráðamenn þurfa að láta vita hvort nemandinn sé ávallt sóttur eða hvort hann eigi að ganga heim. Athugið að skólabíll ekur nemendum ekki heim úr Frístund, heldur eingöngu eftir lok skóladags.
• Nemandi í Frístund má ekki láta vita af því sjálfur ef hann ætlar heim með samnemanda að Frístund lokinni. Foreldrar/forráðamenn þurfa að láta vita af því.

Verðskrá frá 1. janúar 2026

• Skráningargjald er 8.311 kr, greitt einu sinni að hausti og gildir fyrir allan veturinn.
• Hver klukkustund kostar 412 krónur (athugið að innheimt er gjald fyrir að lágmarki 20 klst á mánuði og gjald er innheimt miðað við skráningu í viðkomandi mánuði).
• Síðdegishressing kostar 153 krónur á dag.
• Gjald fyrir Frístund er innheimt mánaðarlega.

Systkinaafsláttur (eingöngu veittur af tímagjaldi)

• Ef nemandi í skólavistun á yngra systkini í vistun eða á leikskóla fær hann 30% afslátt.
• Ef nemandi í skólavistun á tvö yngri systkini í vistun og/eða leikskóla fær hann 60% afslátt.
• Ef nemandi í skólavistun á þrjú yngri systkini í vistun og/eða leikskóla fær hann 100% afslátt.