Heilsueflandi Grunnskóli

Grýtubakkahreppur var þátttakandi í þróunarverkefni Lýðheilsustöðvar sem bar heitið Allt hefur áhrif – einkum við sjálf.  Skólinn vinnur áfram á sömu braut í samstarfi við Landlæknisembættið. Verkefnið hafði það að markmiði að bæta lífshætti barna og fjölskyldna þeirra með áherslu á hreyfingu og góða næringu og er það stefna okkar að halda því góða starfi áfram.  Frá haustinu 2012 er Grenivíkurskóli „Heilsueflandi skóli“

Þessi heilsustefna skólans birtist m.a. í því að:

• Nemendur fái ávexti og grænmeti alla morgna
• Nemendur fari í gönguferðir í nágrenni skólans
• Nemendur fái hollan mat í hádeginu, mánudaga – fimmtudaga sem samræmast ráðleggingum Embættis landlæknis. Lögð er á það áhersla að nemendur bragði á öllu meðlæti sem þeim stendur til boða
• Nemendum sé boðið upp á ískalda mjólk með matnum
• Nemendur á yngsta stigi fari út í löngu frímínútum
• Allir nemendur skólans fari út á þriðjudögum og fimmtudögum. Á fimmtudögum sjá nemendur í 7. – 10. bekk um skipulagða útileiki
• Nemendur á öllum stigum skólans eigi kost á því að fara í íþróttasalinn í löngufrímínútum og hádegi
• Nemendur á öllum stigum skólans taka þátt í útiskólakennslu þar sem þau fá alhliða hreyfingu um leið og þau læra á umhverfið og nýtingu þess. Þau eru hvött til að vera sem mest úti.
• Skólinn fái reglulega til sín fyrirlesara til að halda námskeið fyrir nemendur, foreldra/forráðamenn og starfsfólk sem stuðla að bættum lífsháttum
• Nemendur fái fræðslu og þjálfun varðandi næringu, hreyfingu og andlega líðan
• Reynslumikill íþróttakennari starfi við skólann
• Virkja samfélagið í Grýtubakkahreppi til að eiga hlutdeild í verkefninu t.d. með þátttöku á þemadögum
• Grenivíkurskóli tekur þátt í verkefninu Göngum í skólann. Þar eru nemendur og starfsmenn hvattir til þess að skilja bílinn eftir heima og ganga í skólann.