Núna: 4
Í dag: 293
Í allt: 321981
|
|
|
|
|
|
Sjálfsmat skóla Forsendur og tilgangur sjálfsmats skóla
Á síðustu árum hefur, bæði hérlendis og erlendis, verið lögð aukin
áhersla á skipulagt mat á skólastarfi. Mat á skólastarfi er þó ekki
nýlunda. Kennarar, skólastjórnendur og yfirvöld menntamála hafa alltaf
með einhverjum hætti lagt mat á ákveðna þætti skólastarfs, t.d. með
námsmati en skipulagt heildarmat á starfsemi skóla hefur ekki farið fram
hér á landi.
Í lögum um grunnskóla nr. 66/1995 og um framhaldsskóla nr. 80/1996
eru ákvæði um sjálfsmat skóla. Samkvæmt lögunum velur skóli sjálfur
aðferðir við sjálfsmat. Í lögunum eru einnig ákvæði um að á 5 ára fresti
skuli gerð úttekt á þeim sjálfsmatsaðferðum sem skólar nota. Í lögum
um framhaldsskóla er jafnframt gert ráð fyrir að í aðalnámskrá séu
viðmiðunarreglur um mat á skólastarfi. Einnig er í lögum um grunn- og
framhaldsskóla kveðið á um víðtæka upplýsingaöflun um skólastarf á
grunn- og framhaldsskólastigi og árangur þess. Í reglugerð um starfsemi
leikskóla er kveðið á um að leikskólar skuli móta aðferðir við að meta
uppeldisstarf. Í uppeldisáætlun fyrir leikskóla skulu vera leiðbeiningar
og tillögur um matsaðferðir. Einnig er í fyrrgreindri reglugerð um
leikskóla kveðið á um upplýsingaöflun um skólastarf á leikskólastigi.
Í stefnuriti menntamálaráðherra, „Menntun og menning, forsenda
framtíðar”, sem gefið var út í febrúar 1996 er jafnframt lögð áhersla á
mikilvægi gæðastjórnunar og mats á starfi skóla.
Margir ólíkir þættir hafa áhrif á skólastarf, s.s. kröfur og þarfir nemenda,
samfélags og atvinnulífs, námsstaða nemenda og viðhorf og væntingar
foreldra. Miklu skiptir að skólar leitist við að koma til móts við ólíkar
þarfir þessara aðila á markvissan hátt og meta reglulega starf sitt og
stöðu. Sjálfsmat er ein leið til þess að miðla þekkingu á skólastarfi,
upplýsingum um það og kynna lausnir á vandamálum og er einnig leið til
umbóta í skólastarfi. Jafnframt er sjálfsmat liður í þróun og vexti skólans
og tengist náið markmiðum hans og áætlunum.
Gerð, framkvæmd og endurskoðun skólanámskrár er mikilvægur
grundvöllur að sjálfsmati hvers skóla því að í skólanámskrá er lagður
frekari grunnur að skólastarfinu og í henni birtist stefna skólans. Í
skólanámskrá skal m.a. gerð grein fyrir markmiðum skólans, bæði
opinberum og sértækum og jafnframt birtast þar útskýringar og
rökstuðningur fyrir þessum markmiðum. Einnig skal gerð grein fyrir
kennslu- og matsaðferðum, samstarfi við foreldra, aðra skóla og aðila
utan skólans.
Sjálfsmat skóla er markmiðstengt. Megintilgangur sjálfsmats er að gera
starfsfólki skóla auðveldara að vinna að framgangi markmiða skólans,
meta hvort þeim hafi verið náð, endurskoða þau og stuðla að umbótum.
Þetta á jafnt við um markmið og áherslur í lögum, reglugerðum,
uppeldisáætlun og aðalnámskrám og þau markmið sem skólarnir hafa
sett fram í skólanámskrám. Um leið skapar sjálfsmat faglegan grundvöll
fyrir umbótum. Það er liður í frekari þróun skólans og eðlilegur hluti af
starfs- og þróunaráætlunum hans. Sjálfsmat á að draga fram sterkar og
veikar hliðar skólans. Mikilvægt er að í tengslum við skólanámskrárgerð
og sjálfsmat geri skóli þróunaráætlun þar sem fram komi m.a. hvernig
hann hyggst bregðast við niðurstöðum matsins, forgangsraða verkefnum
og áætlun um verklag.
Sjálfsmat er ekki unnið í eitt skipti fyrir öll heldur þarf stöðugt að vera í
gangi. Það er langtímamiðað en ekki einangruð aðgerð. Með sjálfsmati
fer fram víðtæk gagnaöflun um skólastarfið sem veitir upplýsingar um í
hve miklum mæli árangur skólastarfsins er í samræmi við markmið
skólans. Sjálfsmat felur í sér ítarlega lýsingu og greiningu á markmiðum
og starfi skólans. Jafnframt er mikilvægt að í sjálfsmati komi fram
tillögur um úrbætur og mat á þeim.
|
|
|
|
|
 september 2010  |
| S | M | Þ | M | F | F | L |
| | | 1 |
2 |
3 |
4 |
| 5 |
6 |
7 |
8 |
9 |
10 |
11 |
| 12 |
13 |
14 |
15 |
16 |
17 |
18 |
| 19 |
20 |
21 |
22 |
23 |
24 |
25 |
| 26 |
27 |
28 |
29 |
30 |
| |
|
|
|
